Լիլին ամենաուշացողն ու նյարդայինն է, Մաշան կռվարար, բայց արդարը, Սոնան՝ պարտաճանաչը․ ինչ է կատարվում Women’s club-ի կուլիսներում

Յուրաքանչյուր հեռուստատեսային նախագծի հետնաբեմում առանձին կյանք է․ թիմեր կան, որոնք աչքի են ընկնում համերաշխությամբ, թիմեր կան, որտեղ կյանքն այնքան էլ հաշտ չէ։ Women’s club–ը տարիների ընթացում ոմանք լքեցին, աղջիկների շարքերը նոսրացել են, հիմա բեմում 5-ն են։ Շատերը քննարկում են, որ աղջիկների թիմն առանց կռիվների չի լինի, սակայն թիմի անդամները վստահեցնում են՝ իրենք շատ ընկերասեր են, այլապես նախագիծն այսքան տարի չէր շարունակվի։Tert.am Life–ը «Հարցախույզ» շարքի շրջանակում եղել է նախագծի հետնաբեմում և պարզել՝ ովքեր են նախագծի ամենահումորով, ամենակռվարար, ամենանյարդային, ամենաբարի անդամները։ Ինչպես ամեն թիմում, այս անգամ էլ գտնվեց մեկը, որը խուսափեց անուններ տալ, դա Զիրոյանն էր։ Մյուսները հստակ տվեցին իրենց բնորոշումները:) Ներկայացնում ենք «Հարցախույզն» ու ֆոտոշարքը:

Պոնչ Ամենահումորովը․․․ յուրաքանչյուրն ինդիվիդուալ է։ Մեզ մոտ չկա մարդ, որը հումոր չունի։ Մեր խմբում անհնար էր այդպես։ Տոման, Սոնան, Լիլին, Մաշան յուրահատուկ հումորի տեր են։ Լուիզան ունի այնպիսի հումոր, որը միայն իրեն է բնորոշ։ Ես իմ կյանքում այդպիսի երկրորդին չեմ հանդիպել։ Նա ահավոր շատ է ինձ ծիծաղեցնում։ Աղջիկներից առօրյայում ավելի շատ եմ շփվում Տոմայի և Սոնայի հետ։ Իրենք էլ են ահավոր շատ ծիծաղեցնում ինձ։ Զառան պրոֆեսիոնալ հումորիստ է ինձ համար, լրիվ ուրիշ երևույթ է։ Ըստ իս՝ նա ֆունդամենտալ հումորիստ է։Ամենալուրջ չկա մեր խմբում; Պահի տակ կարող է մեկը լուրջ լինել։ Ամենաբարին ես եմ։ Ամենաուշացողը աղջիկներից Լիլի Մորտոն է, տղաներից Գոռ Բարսեղյանը։ Ամենապունկտուալը․․․ ես, Սոնան, Զիրոյանը առաջին տեղում ենք։ Երկրորդ տեղում Տոման, Զառան, Մաշան են։ Ում անունը չտվեցի, նույնիսկ երրորդ տեղին չեն հավակնում։ Ամենաընկերասերը բոլորն են։ Ամենախելացին Տոմա Պետրոսյանն է, որովհետև շատ կարդացած է։ Մաշան էլ։ Բոլորը խելացի են։ Ամենակռվարարը Մաշան է։ Լիլին էլ, պահի տաk, որ «գցում» է, «գցում» է։) Նկարահանումից առաջ ամենանյարդայինը ես եմ, չնայած դա չեն զգում։ Իսկ ընդհանրապես հանգիստ մարդ եմ։

Մաշա Ամենահումորովը երևի Զառան է։ Ամենալուրջը երևի ես եմ, այսինքն` չէ, չունենք այդպիսին։ Ամենաբարին բոլորն են։ Ամենաուշացողը Լիլին է։ Ամենապունկտուալը Սոնան է:) Ամենաընկերասերը բոլորն են։ Ամենախելացին․․․ շատ անհամեստ կլինի, եթե ասեմ ես։) Իրականում բոլորն էլ խելացի են, կարդացած։ Տոման, Սոնան, Լուիզան։ Չէ, բայց բոլորն են խելացի։ Ամենակռվարարը ես եմ։ Բայց ես արդարության համար կռվող եմ։ Նկարահանումից առաջ ամենանյարդայինը երևի Զառան է։Լուիզա Ներսիսյան Ամենահումորովը Տոման ու Պոնչն են։ Ամենալուրջը Մաշան է։ Մենք «ամենա» չունենք, մեզ մոտ հավասարություն է։) Ամենաբարին Զառան է։ Ամենաուշացողը Լիլին է։ Ամենապունկտուալը ես եմ:) Ամենաընկերասերը ես եմ։) Ամենախելացին Չարենցն է։ Ամենակռվարարը Մաշան է։ Նկարահանումից առաջ ամենանյարդայինը Լիլին է։

Լիլի Մորտո Ամենահումորովը Տոման է։ Ամենալուրջը Սոնան ու Զառան պիտի «ցելա» գցեն։) Ամենաբարին ես եմ։ Բոլորն են շատ բարի։ Ամենաուշացողը․․․ (ծիծաղում է, հեղ․), ճիշտն ասած, ես եմ, բայց վերջերս չեմ ուշանում, պարտաճանաչ եմ։ Ամենապունկտուալը Սոնան է:) Ամենաընկերասերը բոլորն են, որովհետև եթե ընկերասեր չլինեինք, այսօր այսպիսի թիմ չէինք լինի (այդ պահին Պոնչը ծիծաղելով նկատեց, որ Լիլին մի անգամ լքել է նախագիծը, հեղ․)։ Ամենախելացին․․․ իհարկե ես եմ։) Իրականում բոլորս շատ խելացի ենք, որ կարողանում ենք բալանսը պահել, որպեսզի ամեն ինչ շատ ճիշտ առաջ գնա։Ամենակռվարարը․․․ (Լիլին միանգամից սկսեց իրենից խոսել, հեղ․) ես ոչ թե կռվարար եմ, այլ արդարություն եմ սիրում։ Եթե դա համարվում է կռվարարություն․․․ Ես վիճել, առավել ևս, կռվել չեմ սիրում, բայց սիրում եմ արդարություն։ Ես ամենակռվարար արդարն եմ։ Թող այդպես լինի, եթե իրենք այդպես են ասում։ Ես ձեզ հետո ցույց կտամ։) Նկարահանումից առաջ ամենանյարդայինը չեմ կարող ասել՝ ով է, որովհետև գուցե ցույց չի տալիս։ Մենք չգիտենք՝ ում մեջ ինչ է կատարվում»

Զառա Ամենահումորովը Լուիզան է։ Ամենալուրջը ես եմ։ Ամենաբարին Մաշան է։ Ամենաուշացողը Լիլին է։ Ամենապունկտուալը Սոնան է:) Ամենաընկերասերը Սոնան է։ Ամենախելացին ես եմ։) Այս բոլոր գծերը բոլորիս մոտ կան, նայած որ ոտքի վրա ենք արթնացել։ Ամենակռվարարը Մաշան է։ Նկարահանումից առաջ ամենանյարդայինը ես եմ։Սոնա Ամենահումորովը․․․ ինձ ահավոր ծիծաղեցնում են Պոնչը, Զառան, Լուիզան։ Ամենալուրջը․․․ լինում են օրեր, երբ Զիրոյանն այնքան լուրջ է լինում, որ վախենում ենք նույնիսկ ինչ–որ հարց տալ նրան ։ Լինում է նաև դրա 180 աստիճան հակառակը։ Այդ առումով նա շատ փոփոխական է։ Ամենաբարին․․․ չգիտեմ, իրավիճակներ են եղել, երբ բոլորն էլ իրենց բարությունը դրսևորել են, բայց, երևի, առանձնացնեմ Մաշային, Զառային։ Ամենաուշացողը․․․ Վայ։) ժամանակին Լիլին էր, բայց հիմա շատ է փոխվել։ Նաև Գոռն է ուշացող։ Ամենապունկտուալը ես եմ:)

Ամենաընկերասերը չեմ ուզում որևէ մեկին առանձնացնել, բոլորն են։ Ամենախելացին․․․ Տոման, Մաշան, Զառան, Չարենցն են։ Բոլորը։ Ամենակռվարարը Մաշան է։ Նկարահանումից առաջ ամենանյարդայինը․․․ Լիլին մեկ–մեկ նյարդայնանում է, որ կարող է օրինակ, մազն իր ուզածով չլինի, դիմահարդարման մեջ մի «ստրելկան» մյուսից երկար լինի։ Պոնչը կարող է նյարդայնանալ, որ չհավաքվենք փորձ անելու։ Բայց միշտ չէ, որ այդպես է։

Տոմա Ամենահումորովը սցենարիստներն են, սցենարիստների գնդապետը Չարենցն է։ Ամենալուրջը Լիլին է։ Ամենաբարին Արայիկ Գաբաջյանն է։ Ամենաուշացողը․․․ ես եմ։ Բոլորն են ուշացող, բացի Սոնայից։ Ամենապունկտուալը արդեն պարզ է՝ Սոնան:) Ամենաընկերասերը․․․ չընկերասեր չունենք։ Ամենախելացին․․․ Թինա Կանդելակին է։) Մենք էլ ունենք Թինա, շատ ճիշտ կոստյումներ է որոշում մեզ համար, նա է ամենախելացին։ Ամենակռվարարը․․․ եկեք չասենք կռվարար, ասենք իմպուլսիվ, Մաշան է։ Նա ցանկացած տեսակի անարդարություն դիտարկում է հենց որպես անարդարություն, ոչ թե իրավիճակ։ Նկարահանումից առաջ ամենանյարդայինը․․․ոչ ոք չէ։ Մենակ Լիլին պիտի, անպայման, յուղ քսի ոտքերին։

Զիրոյան Ամենահումորովը բոլորն են։ Ամենալուրջը չունենք այդպիսին։ Ամենաբարին բոլորն են։ Ամենաուշացողը․․․ չգիտեմ ինչ կասեն մյուսները, բայց ես այդ հարցին չեմ պատասխանի։) Ամենապունկտուալը Պոնչը, Տոման, Սոնան և ես։ Բոլորը:) Ամենաընկերասերը բոլորն են։ Ամենախելացին․․․ չենք նստել իրար հետ լուրջ հարցերից խոսել, որ հասկանանք՝ ով է ամենախելացին։ Ամենակռվարարը ես եմ։ Նկարահանումից առաջ ամենանյարդայինը ես ու բոլորն ենք։

(Visited 39 times, 1 visits today)
Понравилась статья? Поделиться с друзьями: