Կարինե Աճեմյան. «Ափսոսում եմ, որ մեր իշխանությունը չկարողացավ երկիրն առաջ տանելու իր տասը տարիների աշխատանքը հավուր պատշաճի հանրությանը ներկայացնել». «Իրատես»

ԱԱԾ-ի գործողությունները դարձել են մեր քաղաքական և հասարակական կյանքի անբաժան մասը: Հասարակությունն արդեն վարժվել է, որ ամեն օր մի բացահայտում պետք է լինի: Նոր իշխանությունն էլ, կարծես, երկու ուղղությամբ է աշխատում՝ իրավական գործողություններ և ԸՕ-ի մշակում: Հենց այս երկու թեմաների շուրջ էլ «Իրատեսը» զրուցեց ՀՀԿ խորհրդարանական խմբակցության անդամ ԿԱՐԻՆԵ ԱՃԵՄՅԱՆԻ հետ:

-Ո՞րն է ներքաղաքական զարգացումների Ձեր գնահատականը: 

-Ես լավատես մարդ եմ, այսօրվա զարգացումները, սակայն, ինձ լավատեսություն չեն ներշնչում: Քաղաքականությունն ինձ ստիպել է դառնալ խիստ իրատես: Ցավոք, այս իշխանափոխությունից հետո կառավարությունը, նոր բան ստեղծելու առումով, որևէ հստակ քայլ չի արել: Իրենց ցանկությունն է հինն ամբողջովին ջնջել ու նորը ստեղծել, բայց այդ ճանապարհին հստակ ծրագիր, տեսլական չկան: Միայն հինը փնովելով, վատաբանելով, նորը չեն ստեղծում, երկիր չեն զարգացնում: Ընդհանրապես շատ կարևոր է հասարակական կարծիքի ձևավորումը, ու ափսոսում եմ, որ մեր իշխանությունը չկարողացավ երկիրն առաջ տանելու իր տասը տարիների աշխատանքը հավուր պատշաճի հանրությանը ներկայացնել: Հակառակը՝ մեր ընդդիմախոսները շեշտը մշտապես դրել են բացասական երևույթների վրա, անընդհատ հասարակությանը հրամցվել է միայն բացասականը, որը կա բոլոր քաղաքական ուժերում: Խորհրդարանը հասարակության հայելին է: Մեր կուսակցության ղեկավարի հետ հաճախ էինք խոսում այս թեմայով, և նա ասում էր, որ մեր երկրում գոյություն ունեցող բոլոր շերտերը ներկայացված են խորհրդարանում: Չի կարող հասարակությունը լինել մի տեսակ, իսկ խորհրդարանը` իդեալական։ Այսպես է բոլոր երկրներում: Պարզապես զարգացած երկրներում այս կոնտրաստներն ավելի «փափուկ» են: ՀՀԿ-ի ամենամեծ թերացումն այն է, որ հասարակական կարծիքի ձևավորումը թողեց իր ընդդիմախոսներին: Իսկ նրանք այլակերպեցին այն ամենը, ինչ քաղաքական դաշտում տեղի էր ունենում: Սա հանգեցրեց այն բանին, որ չկարողացանք իշխանությունը պահել: -Անկախ հասարակական կարծիքից, ԱԱԾ-ի վերջին բացահայտումները ցույց տվեցին, որ իշխող կուսակցությունում կային մարդիկ, որոնք թալանել էին և՛ պետական միջոցները, և՛ զինվորի բաժինն էին գողացել: Այս ամենը չի՞ խանգարել ՀՀԿ-ին, ինչու՞ էիք հանդուրժող նման երևույթների նկատմամբ: -Իհարկե, խանգարել է: Բայց բոլոր երկրներում էլ կոռուպցիան իշխանությունների մեջ է լինում, որովհետև իշխանությունը լծակներ ունի, ու այդ լծակներով են բոլոր հարցերը կարգավորվում: Մենք էլ տարիներ շարունակ մշտապես խոսել ենք բացասական երևույթների մասին, այնպես չէ, որ մենք այդ ամենը չենք տեսել: Հավանաբար շատ կատեգորիկ չի եղել կոռուպցիայի դեմ պայքարը: Այն, որ կոռուպցիայի դեմ պայքարի բոլոր օրենսդրական ակտերը մենք ենք ընդունել, փաստ է: Այսօր հենց այդ օրենքներով է նոր իշխանությունն իրացնում իր գործառույթները: Կարծում եմ, կոռուպցիայի դեմ պայքարը մշտապես պետք է լինի զարգացման ճանապարհ բռնած երկրներում: Քանի մարդը կա, կոռուպցիան գոյություն ունի, դրա դեմ պայքարը պետք է լինի մշտական, հնարավոր չէ կոռուպցիան արմատախիլ անել: Օրինական դաշտում ազնիվ աշխատող մարդկանց թիվը մշտապես քիչ է լինում, մարդիկ էլ կան, որ մշտապես թաթախված են կոռուպցիայի մեջ: Զրույցը՝ Ռուզան ԽԱՉԱՏՐՅԱՆԻ Հարցազրույցն ամբողջությամբ՝ «Իրատես» թերթի այսօրվա համարում

Ամբողջական հոդվածը կարող եք կարդալ այս հասցեով՝ https://www.aravot.am/2018/07/13/970130/?utm_source=dlvr.it&utm_medium=facebook

© 1998 — 2018 Առավոտ – Լուրեր Հայաստանից

 

Понравилась статья? Поделиться с друзьями:
TOUCHING FATES