Ռուսաստանը կարող է ժամանակավորապես սահմանափակել բանջարեղենի ներմուծումը Հայաստանից

Ռուսական «Ռոսսելխոզնադզորը» կարող է ժամանակավորապես սահմանափակել բանջարեղենի ներմուծումը ՀՀ-ից, հայկական արտադրության լոլիկում և վարունգում կարանտինային արտադրանքի առկայության պատճառով: Այդ մասին հայտնում է ՏԱՍՍ-ը՝ հղում կատարելով գերատեսչության տարածած հայտարարությանը։

«Եթե շարունակվի կարանտինի ենթակա արտադրանքի՝ այդ թվում կարանտինային օրգանիզմների առկայությամբ արտադրանքի առաքումը, «Ռոսսելխոզնադզորը» ստիպված կլինի ժամանակավորապես սահմանափակել կարանտինի ենթակա արտադրանքի ներմուծումը ՀՀ-ից Ռուսաստան»,-ասվում է գերատեսչության հաղորդագրության մեջ:

Նշվում է, որ 2018-ի մայիսին «Ռոսսելխոզնադզորը» խստացրել է Վերին Լարսում ՀՀ-ից ներկրվող արտադրանքի ֆիտոսանիտարական վերահսկողությունը: Մայիսի 3-9-ը «Ռոսսելխոզնադզորի» մասնագետները հայտնաբերել են ՌԴ համար կարանտինային համարվող 2 օբյեկտի առկայությամբ 7 դեպք՝ լոլիկում հայտնաբերվել է հատուկ տեսակի ցեց, իսկ վարունգում արևմտյան (կալիֆորնիական) թրիփոս: Ամբողջ արտադրանքը վերադարձվել է արտահանողին:

Понравилась статья? Поделиться с друзьями:
TOUCHING FATES